Siglir tar il cuntegn

Header

video
Kambundji e Stucki èn ils sportists da l'onn.
Or da Sport-Clip dals 16.12.2019.
laschar ir
cuntegn

«Sports Awards» Dus Bernais sco sportista e sportist da l'onn

Mujinga Kambundji e Christian Stucki èn la sportista ed il sportist da l'onn. Els èn vegnids undrads ad ina gala a Turitg per lur prestaziuns il 2019.

Kambundji, la sprintra bernaisa ha bunamain survegnì 40 pertschient da las vuschs. Nominadas eran tranter auter era la skiunza Wendy Holdener e la giugadra da tennis Belinda Bencic.

Stucki, il retg da la lutga bernais è l'emprim lutgader che gudogna il titel da sportist da l'onn. Nominads eran tranter auter era il giugader da tennis Roger Federer ed il mountainbiker grischun Nino Schurter.

Quai èn ils victurs e las victuras:

  • Sportist da l'onn: Christian Stucki
  • Sportista da l'onn: Mujinga Kambundji
  • MVP da l'onn: Roman Josi
  • Trenader da l'onn: Adrian Rothenbühler
  • Sportist paralimpic da l'onn: Manuela Schär
  • Newcomer da l'onn: Sina Frei

L'equipa da las sprintras svizras sur 4 giadas 100 meters è vegnida tschernida sco meglier team da l'onn. Ajla Del Ponte, Sarah Atcho, Mujinga Kambundji e Salomé Kora han gudagnà il titel. Era nominads en questa categoria eran il team da skis alpin ed ils giugaders da ballape dals Young Boys.

Il trenader svizzer da l'onn è Adrian Rothenbühler. El è dapi blers onns cussegliader e coach da Mujinga Kambundji.

RTR novitads 23:00