Siglir tar il cuntegn

Header

audio
Elena Stucki è total cuntenta
Or da Sportissimo dals 15.02.2020.
laschar ir. Durada: 00:18 minutas.
cuntegn

Super-G Elena Stucki sin il podest al campiunadi svizzer U16

La skiunza sursilvana gudogna la medaglia da bronz en il Super-G dal campiunadi svizzer sut 16 onns.

Skiunza, skis, medaglia
Legenda: Podest grischun al campiunadi svizzer dals U16: Elena Stucki da Flond vegn terza en il Super-G dal campiunadi svizzer. RTR, Georgina Janki

Questa fin d'emna sa mesiran 125 skiunzas e skiunzs sut 16 onns che derivan da l'entira Svizra en Surselva. En il territori da skis da Breil-Vuorz-Andiast èn 3 cursas che fan part da la seria da cursas da la cuppa naziunala da giuvenils. Sin il program èn dus Super-G's ed in slalom gigant. En in Super-G èn era gist vegnids erruids il campiun e la campiunessa svizra U16.

Megliera atleta grischuna daventa Elena Sanna Stucki da Flond. La Sursilvana vegn terza e po sa legrar da la medaglia da bronz. Sin la campiunessa svizra U16, Jasmin Mathis da Buochs (ZSSV), perda ella 0,77 secundas.

Elena Stucki cun grondas finamiras

Elena Stucki ha 15 onns, dapi 1 onn è ella en il cader da la Federaziun da skis grischuna. Ella fa la scola da talents a Glion e fa proximamain ils examens d'admissiun per il gimnasi da sport a Tavau. Sia finamira è da pudair parter in bel di a cursas da skis en la cuppa mundiala. Ses pli grond siemi è ina medaglia a gieus olimpics.

RR sportissimo 12:00

Artitgels legids il pli savens

Scrollar a sanestra Scrollar a dretga