Siglir tar il cuntegn

Header

audio
Martina Hingis: Purtret da la meglra giugadra da tennis svizra
Or da Actualitad dals 30.09.2020.
laschar ir. Durada: 04:35 minutas.
cuntegn

Tennis Martina Hingis vegn 40

Durant sia carriera ha ella gudagnà 25 titels da Grand Slam. Tuttina è la carriera da la giugadra da Trübbach stada in si e giu.

Schon sco giuvna buoba vegniva Martina Hingis titulada sco «Wunderkind», sco supertalent che sa cuntanscher quasi tut en il sport da tennis.

Martina Hingis e sia mamma Melanie Molitor
Legenda: Martina Hingis e sia mamma Melanie Molitor il 1993. Keystone

Cumenzament rasant da la carriera

Gia sin il stgalim da junioras persvada la giuvna Son Gagliesta cun prestaziuns oraifras. Gia cun 12 onns triumfescha ella al turnier da junioras a Roland Garros a Paris.

Sumegliant vai era vinavant tar ils profis. Gia cun 18 onns ha Martina Hingis tschintg titels da Grand Slam sin ses conto. Da quest temp pon ins far la dumonda: Tgi vul franar Martina Hingis?

Martina Hingis cun ses buccal a Wimbledon.
Legenda: Il 1996, cun 15 onns, triumfescha Hingis per l'emprima giada a Wimbledon. Keystone

Il si e giu cumenza

Il 1999 cumenzan ils problems cun blessuras. Plinavant vegn la concurrenza pli gronda. Titels singuls tar ils turniers gronds na vegn la giuvna da Trübbach betg pli da gudagnar. Pervia da blessuras cronicas vid il pe terminescha Hingis il 2003 per l'emprima giada sia carriera, cun 22 onns.

Il 2006 dat Martina Hingis ses emprim comeback. Quel vegn frenà in onn pli tard cun l'affera da cocain. Ella duaja avair prendì la droga durant in turnier a Wimbledon. Quai ha ella dentant adina snegà.

Il 2013 dat la Son Gagliesa ses segund comeback, quai dentant mo sco giugadra en las concurrenzas da dubel e mixed. Fin il 2017 gudogna ella anc enqual turnier, er da Grand Slam. A la fin da sia carriera ha Martin Hingis 25 titels da Grand Slam sin ses conto, da quai tschintg sco giugadra singula.

RTR actualitad 11:00

Artitgels legids il pli savens

Scrollar a sanestra Scrollar a dretga