Las biatletas svizras daventan 5avlas en la davosa staffetta da la cuppa mundiala da questa stagiun. A Kontiolahti en la Finlanda han las trais soras Elisa, Aita e Selina Gasparin, e Lena Häcki pers radund duas minutas e mez sin las victuras da la Norvegia. Dal quartet svizzer ha sulet la davosa curridura Selina Gasparin stuì far ina runda supplementara.
Passlung: Fähndlich 6avla
La passlunghista Nadine Fähndrich daventa buna 6avla tar il sprint da la cuppa mundiala a Drammen en la Norvegia. En il final n'ha la Svizra da 26 onns dentant gì nagina schanza. Victura è vegnida la Norvegiaisa Maiken Caspersen Falla. Tar ils umens ha Richard Jouve da la Frantscha gudagnà. Tut ils top-atlets norvegiais han mancà pervi da corona. Il Svizzer Jovian Hediger ha manchentà per pauc da sa qualifitgar per il final.