Ad Östersund en la Svezia è la staffetta da las biatletas svizras vegnida 9avla en la cursa da quatter giadas 6 km. Gudagnà ha la Frantscha avant il Belarus e la Svezia. Cun quest resultat èn las Svizras sa qualifitgadas per ils gieus olimpics a Peking l’onn che vegn.
video
Biatletas svizras dumognan sut top 10
Or da Sport-Clip dals 05.12.2021.
laschar ir. Durada: 2 minutas 7 Secundas.
Passlung a Lillehammer
La staffetta dals umens svizzers è vegnida 8avla a Lillehammer en la cursa da quatter giadas 7,5 km. Il quartet svizzer ha pers stgars ina minuta sin il meglier temp.
Aifer 1,4 secundas han tut ils quatter teams dals favurits Norvegia e Russia passà la lingia da l'arrivada: Uschia ha gudagnà la squadra Norvegia 1 gist anc avant la Russia e la squadra Norvegia 2.
