Siglir tar il cuntegn

Header

Andreas Wieland, redactur sport RTR
Legenda: Andreas Wieland durant il trenament il schaner a Seefeld en l’Austria. RTR, A. Wieland
cuntegn

Maraton da skis 2016 Entamez ils curriders populars

Il maraton da l’Engiadina, quai saja adina puspè in punct culminant sco finiziun da la stagiun da passlung, di il reporter da sport dad RTR, Andreas Wieland.

El è gia sa participar 10 giadas al maraton da Malögia a S-Chanf, ils davos onns adina sco reporter per Radiotelevisiun Svizra Rumantscha. Andreas curra er quest onn entamez la massa, per uschia sentir il puls dals curriders populars e rapportar da quai che capita sin quest tschancun da 42 kilometers.

Sin la descensiun en il guaud da Staz ma legrel jau il pli fitg. Là ves’ins adina puspè maletgs spectaculars.
Autur: Andreas Wielandredactur sport RTR

La finamira n’è betg da cuntanscher in bun plaz u arrivar en in bun temp en l’arrivada a S-Chanf, mabain da pudair dar ina baterlada cun quel e tschel sin loipa ed a l’ur da la loipa. Inqual istorgia rapporta Andreas Wieland live en l’emissiun dal radio maraton.

Noss currider Andreas Wieland avant la partenza

RTR/aw