Siglir tar il cuntegn

Header

Il giugader guarda en il public e auza la bratscha
Legenda: Tranquillo Barnetta suenter in gieu cun Eintracht Frankfurt l'onn 2014. Keystone
cuntegn

Sport Divers Tranquillo Barnetta returna en Svizra

Tranquillo Barnetta returna tar l'FC Son Gagl. A partir da l'onn che vegn gioga il ballapedist da 31 onns puspè per ses anteriur club da tschep.

Dapi il 2015 gioga Barnetta en la liga nordamericana tar Philadelphia Union. Tranquillo Barnetta ha uss suttascrit a Son Gagl in contract fin la stad 2019. Uschia retruna el tar ses club da tschep.

Il siemi daventa realitad

En in messadi da video ha Barnetta ditg che cun returnar tar l'FC Sogn Gagl sa realiseschia in siemi. El vegn a giugar cun il numer 85 sin il dies. Quai è sia annada.

Il 2004 aveva Tranquillo Barnetta bandunà l'FC Son Gagl ed alura giugà tranter auter per Leverkusen, Hannover, Schalke ed Eintracht Frankfurt.

RR novitads 15:00

sda/cr