Benjamin Weger hat en il sprint ad Östersund cuntanschì il bun 15avel plaz. Suenter il surprendent plaz 3 il schaner 2021 ad Oberhof ha il Vallesan betg pli pudì sa classar en ils top 15. Weger è restà en ils 10 kilometers senza sbagls en il stan da sajettar. Sin il victur Sebastian Samuelsson han mancà ad el 1:11 minutas. Cumplettà il podest han Vetle Christiansen e Johannes Bö omadus da la Norvegia.
Öberg gudogna – Baserga cun buna prestaziun
Tar las dunnas gudogna Hanna Öberg da la Svezia. Sin plaz dus èn Anais Chevalier-Bouchet da la Frantscha e plaz trais Marte Roeiseland da la Norvegia.
Sco gia il di avant èn las curriduras da la Svizra betg sa classadas en ina top rangaziun. Sco suletta ha Amy Baserga pudì far puncts. Ella è vegnida 34avla. Lena Häcki (53avla), Selina Gasparin (68avla), Aita Gasparin (71avla) ed Elisa Gasparin (76avla).
