La passlunghista svizra Nadine Fähndrich era sin buna via per ina medaglia, n'ha dentant betg pli pudì sin il davos tschancun da la cursa ed è crudada enavos sin il tschintgavel plaz. Gudagnà ha la Svedaisa Joanna Sundling avant sia cumpatriota Maja Dahlqvist e Jesse Diggins dals Stadis Unids da l'America.
Dasper Fähndrich avevan er las duas grischunas Alina Meier e Laurien van der Graaff dumagnà il sigl en la fasa da K. O. cun las meglras 30. Ellas n'èn dentant betg sa qualifitgadas per il mezfinal.
Las medaglias
- Joanna Sundling (Svezia)
- Maja Dahlqvist (Svezia)
- Jessica Diggins (Stadis Unids da l'America)
Las Svizras
- 5. Nadine Fähndrich
- 13. Alina Meier
- 24. Laurien Van der Graaff
- 49. Anja Weber
Johannes Kläbo triumfescha tar ils umens
Il Norvegiais Johannes Hösflot Kläbo ha gudagnà avant il Talian Federico Pellegrino ed il Russ Alexander Terentew. Sco meglier Svizzer è il Grischun Valerio Grond sa classà sin plazza 18. Jovian Hediger è vegnì 20avel. Be per pauc ha Roman Schaad manchentà la fasa da K. O. cun ils megliers 30. El era sa tschentà cun in retard da 0,13 secundas sin plazza 31.
Las medaglias
- Johannes Hösflot Kläbo (Norvegia)
- Federico Pellegrino (Italia)
- Alexander Terentew (Russia)
Ils Svizzers
- 18. Valerio Grond
- 22. Jovian Hediger
- 31. Roman Schaad (qualificaziun)
