Las sprintras Ajla del Ponte e Mujinga Kambundji han mussà fermas prestaziuns en las cursas d’eliminaziun sur 100 meters. Ellas èn sa qualifitgadas per ils mezfinals. Ajla del Ponte ha realisà en 10,91 secundas in nov record svizzer. Ordavant è er Kambundji sa qualifitgada sco segunda da sia cursa per ils mezfinals. Ella ha egualisà ses agen meglier temp.
Ils mezfinals ed il final dal sprint sur 100 meters han lieu la sonda.