Siglir tar il cuntegn

Header

Legenda: Keystone
cuntegn

Squadra naziunala tudestga Joachim Löw dat giu ses post sco trenader

Il trenader da la squadra naziunala da ballape tudestga Joachim Löw dat giu ses post suenter il campiunadi europeic questa stad.

Quai malgrà che ses contract durass anc fin e cun il campiunadi mundial il 2022, uschia communitgescha la federaziun da ballape tudestga. L'Associaziun da ballape tudestga ha accepta la demissiun da Löw.

In si e giu sco trenader

Joachim Löw aveva surpiglà il post da trenader il 2006, quai da ses schef da lura Jürgen Klinsmann.

Il 2014 aveva Löw gudagnà cun ils tudestgs il quart titel da campiun mundial en Brasilia. Dapi il debachel il 2018 al campiunadi mundial en Russia, cura ch'ils tudestgs èn gia crudads ora en la fasa da gruppa, era Löw en la critica. Cunzunt suenter la schleppa da 0:6 igl atun passà cunter la Spagna è vegnì debattà davart la relaschada dal trenader.

Legenda: Sia pli gronda victoria è probabel stà il titel sco campiun mundial il 2014 en Brasilia. Keystone

Pir suenter discurs cun l'Associaziun da ballape tudestga èsi alura puspè vegnì pli quiet enturn Löw.

RTR Novitads 12:00

Artitgels legids il pli savens

Scrollar a sanestra Scrollar a dretga