Siglir tar il cuntegn

Header

cuntegn

Staffetta da biatlon Svizzers manchentan ils top 10 – Norvegia gudogna aur

La staffetta da biatlon svizra dals umens ha manchentà ina plazza tranter ils top 10 als gieus olimpics. Il quartet cun Sebastian Stadler, Benjamin Weger, Niklas Hartweg e Joscha Burkhalter è vegnì 12avel en la cursa sur 4x7,5 kilometers. Sin ils victurs han els in retard da passa 4 minutas.

Suenter il emprim trair era la Svizra per curt temp a la testa. Sebastian Stadler ha tutgà tut las schibas en 23,7 secundas – il pli spert da tuts. Fin tar il davos curridur era la Svizra sin il 8avel rang. Cun il currider final Burkhalter è la plazza da diplom dentant stada davent. Il Bernais ha stuì far ina runda da chasti. Ordavant avevan ses collegas tutgà senza macla.

Las medaglias:

  1. Norvegia, 1:19:30,2 uras
  2. Frantscha, +27,4 secundas
  3. Federaziun olimpica da la Russia, +45,3

RTR novitads 11:00

Artitgels legids il pli savens