Siglir tar il cuntegn

Header

cuntegn

Start en la cuppa mundiala Vanessa Kasper enavos en la cuppa mundiala

La nova stagiun da skis cumenza bain per la skiunza engiadinaisa Vanessa Kasper. La skiunza da 24 onns cumenza la nova stagiun en la cuppa mundiala. Suenter sia greva ferida avant quatter onns è quai gia ina gronda prestaziun. La skiunza vul dentant dapli.

A chasa en il Grischun è la skiunza engiadinaisa Vanessa Kasper sgulada. Tar la cursa da la cuppa mundiala a Lai l’onn 2018 ha ella rut la stgaina ed il oss dal ventrigl. Ditg n'ha ella betg pli savì ir a la partenza da cursas da skis. Plaun a plaun s'ha la skiunza da 24 onns dentant puspè cumbattì enavos. L’emprim cun cursas da la cuppa europeica, lura cun cursas da FIS e per finir lura era cun cursas sin livel da la cuppa mundiala. A la fin da la stagiun passada cun grond success. Tar l’unica cursa da la cuppa mundiala ch’ella ha savì participar la stagiun passada è ella gist vegnida 21avla. Grazia a quel bun resultat ha ella pudì cuntinuar en la cuppa mundiala.

audio
Vanessa Kasper cumenza stagiun en la cuppa mundiala
aus Actualitad vom 12.11.2021.
abspielen. Laufzeit 2 minutas 31 Sekunden.

Cumenzar la nova stagiun sin il pli aut livel

La premiera da la nova stagiun e stà tradiziunalmain il slalom gigant sin il glatscher a Sölden. Tar l’emprima cursa da la nova stagiun n'ha Vanessa Kasper betg fatg il pass tranter las meglras trenta. Ella è dentant restada en il chalender da la cuppa mundiala. La proxima fin d’emna sa la skiunza er ir a la partenza da la cursa da la cuppa mundiala a Lech/Zürs en il Vorarlberg. Quai è ina cursa parallela, ina premiera er per Vanessa Kasper.

Finamira da mussar bunas prestaziuns en la cuppa mundiala

Il slalom gigant è la disciplina da parada da la skiunza engiadinaisa. Durant il proxim enviern vul Vanessa Kasper mussar bunas prestaziuns en la cuppa mundiala, dentant er adina far cursas in livel pli bass en la cuppa europeica. Tar questas cursas vul ella ir per la fiduzia en sasezza. Cun quel sentiment en il venter va quai meglier da purtar prestaziun er en la cuppa mundiala. Vitiers less la skiunza era s’avischinar a las disciplinas spertas, uschia ch'ella vegn er a far cursas sin las lattas lungas dal Super G.

Ord l'archiv:

Vanessa Kasper trenescha puspè.

video
Co che Vanessa Kasper turna en il sport
Or da Telesguard dals 15.11.2018.
abspielen. Laufzeit 2 minutas 55 Sekunden.

RTR actualitad 08:00

Artitgels legids il pli savens

Scrollar a sanestra Scrollar a dretga