Paolo Tramezzani è puspè trenader dal club da ballape da Sion. Per il Talian èsi gia il terz engaschament en il Vallais. Durant las stagiuns 2017/18 e 20/21 avev'el mintgamai trenà l'FC Sion per insaquants mais. Tenor infurmaziuns dal club ha Tramezzani suttascrit in contract fin stad 2023.
Tramezzani daventa successur da Marco Walker ch'è vegnì relaschà suenter ina partenza disgraziada en la stagiun cun mo 9 puncts ord 9 gieus.