Gian Franco Kasper resta mo pli fin il matg che vegn al timun da la Federaziun internaziunala da skis FIS. En il rom d'ina seduta da suprastanza ha il Grischun da 75 onns annunzià da vulair sa retrair anticipadamain. Cura ch'il congress da la FIS aveva elegì el il matg 2018, aveva Kasper gia menziunà dad eventualmain chalar suenter la mesadad da la perioda d'uffizi.
Gian Franco Kasper è dapi il 1998 president da la Federaziun internaziunala da skis. El aveva surpiglià l'uffizidal Bernes Marc Hodler. Avant era Kasper stà pli che 20 onns secretari general da la FIS.
Ord l'archiv
Reacziuns sin la reclama da Gian Franco Kasper a chaschun da la festivitad dal campiunadi mundial a San Murezzan per la candidatura als gieus olimpics 2014.
L'onn 2000 è Gian Franco Kasper da San Murezzan vegnì elegì a Sydney sco commember en il comité internaziunal olimpic.
RTR novitads 17:00