Il club da hockey da Kloten turna, suenter 4 onns en la Swiss League – la proxima stagiun puspè en la pli auta liga dal hockey svizzer. Kloten ha decidì la seria dal playoff final cunter Olten cun 4:1 victorias en sia favur.
La victoria decisiva è stada il 1:0 la mesemna saira a chasa. Il gol ha sajettà Niki Altorfer curt avant che la mesadad da la partida era dada. Cun 7'600 aspectaturs ed aspectaturas era il stadion a Kloten vendì ora.
Cun Kloten che fa il pass ensi cumpiglia la National League en la proxima stagiun 14 equipas.