Suenter ses grev accident dad ier è il töffist svizzer Jason Dupasquier mort en consequenza da sias blessuras. Quai ha communitgà la Federaziun Internaziunala dal Motociclissem via Twitter. Il talent friburgais da 19 onns Tenor la «Gazzetta dello Sport» è il motociclist da la Moto3 vegnì operà la notg. Suenter in CT hajan ils medis decis d'anc betg operar las grevas blessuras dal chau e dal venter, mabain sulettamain quellas dal pèz.
Dupasquier è crudà durant la qualificaziun per il Grond Premi da l’Italia a Mugello. Suenter sia cupitgada è el anc vegnì tutgà dad auters töffists al chau ed a las chommas.
Pervi dal grev accident da ses collega, desista Tom Lüthi da la cursa en la Moto 2. Quai ha il Bernais da 34 onns communitgà sin Twitter. Las cursas da la Moto 3, Moto 2 e Moto GP han tuttina giu lieu, malgrà l'accident.
