La èra da Lionel Messi tar il club da ballape da Barcelona è a fin suenter passa 20 onns. Sco il club accentuescha en la communicaziun, n'haja la separaziun da far nagut cun diversas opiniuns tranter il club ed il ballapedist. Omaduas varts deploreschian la fin.
I haja tuttavia dà ina cunvegna (finanziala), però na lubeschia la liga spagnola betg ina tala, quai per raschuns economicas e structuralas. Uschia n'hajan las tractativas per in nov contract, respectivamain per prolungar il contract actual, betg gì il success giavischà e quai pervi d'ina raschun externa, scriva Barcelona.