Legenda:
Hannes Reichelt è stà prest 20 onns en il circus da skis.
Keystone
Reichelt ha gì il december 2019 ina ruptura dal liom cruschà e n'è betg pli vegnì sin il livel da ses megliers temps. Questa stagiun ha el stuì terminar pervi da problems cun la schanuglia. Gievgia po el lura prender cumià dal circus da skis, sco precursur al final da la cuppa mundiala a Lai.
Jau hai il sentiment ch'i saja uras da prender cumià suenter prest 20 onns en la cuppa mundiala dal ski. En las curas hai jau sentì ch'igl è per mai pli e pli grev dad ir a la limita.
Dapi ses debut il december 2001, è Reichelt ì 305 cursas ed ha festivà 13 victorias. Aur en ils campiunadis mundials, tar il super-G ha el survegnì il 2015.