Per l'emprima giada dapi prest tschintg onns na fa Roger Federer betg pli part dals top 10 en il classament ATP. Federer ch'è puspè blessà vid in schanugl n'ha betg giugà ils turniers a Shanghai ed Indian Wells – quels puncts mancan uss ad el. Ch'i dat nagin giugader da tennis svizzer tranter ils top 10 n'è betg vegnì avant savens. Dapi 19 onns è quai uss pir la 12avla emna.
Suenter bunamain 20 onns top 10
La davosa giada era Federer avant cnap tschintg onns (7 da november 2016) per dus mais betg en ils top 10. Avant era el dapi il 14 d'october 2002 senza interrupziun sut ils top 10 dal mund.