Siglir tar il cuntegn

Header

cuntegn

Super-G a Val Gardena Odermatt puspè sin il podest

Il podest

  1. Vincent Kriechmayr (AUT) 1:28,39 minutas
  2. Daniel Hemetsberger (AUT) +0,02 secundas
  3. Marco Odermatt (SUI) +0,03 secundas
audio
Il terz plazzà Marco Odermatt
ord RTR Audio dals 15.12.2023. Maletg: Keystone
laschar ir. Durada: 17 Secundas.

La gievgia han mancà ad el 5 tschientavels per la victoria, il venderdi schizunt mo trais. Sco en la cursa rapida, ha Marco Odermatt er en l'emprim super-G da la stagiun a Val Gardena procurà per il sigl sin il podest. Per Odermatt èsi en questa disciplina il 16avel plaz da podest en la cuppa mundiala.

Kriechmayr ha tramess in ferm signal cun sia victoria. L’entrada en la stagiun da speed è stada cumplettamain malgartegiada al campiun mundial da la cursa rapida e dal super-G dal 2021 il di avant. L’Austriac ha mo pudì sin plazza 17. Per Hemetsberger dastgass il fatg ch’in cumpatriot ha impedì sia emprima victoria en la cuppa mundiala, almain esser in pau conciliant.

video
La cursa da Vincent Kriechmayr
Or da Sport-Clip dals 15.12.2023.
laschar ir. Durada: 1 minuta 38 Secundas.

Ils ulteriurs Svizzers en ils puncts

  • 9. Franjo von Allmen +0,38 secundas
  • 16. Stefan Rogentin +0,45
  • 19. Arnaud Boisset +0,50
  • 23. Alexis Monney +0,65
  • 26. Marco Kohler +0,71
  • Uschia vai vinavant

La sonda vegnan a Val Gardena anc ina giada las curriduras ed ils curridurs en acziun. Suenter che la partenza da la reserva era succedida gievgia sin in traject scursanì, è la cursa alura prevesida davent da la partenza originala. La dumengia ed il glindesdi èn fixads dus slaloms gigants en la Alta Badia che na sa chatta betg lunsch davent da Gröden.

RTR novitads 14:00

Artitgels legids il pli savens