La festa da skis a Wengen è lantschada. Il sulet ch'impedescha ina party totala or da vista svizra è Aleksander Kilde. Il skiunz da la Norvegia triumfescha e gudogna ses segund Super-G quest enviern. Kilde è en autras dimensiuns.
- Aleksander Kilde (NOR), 1:48,84 MINUTAS
- Stefan Rogentin, +0,27
- Marco Odermatt, +0,66
Er il Grischun Stefan Rogentin ha fatg oz a Wengen la cursa da sia vita. Il skiunz da Lai vegn segund en il Super-G da Wengen. Per Rogentin è quai ses emprim podest en la cuppa mundiala. Fin uss era ses meglier resultat il 5avel plaz tar il Super-G da Val Gardena (2021). Rogentin è oz era stà pli svelt ch'il dominatur da la stagiun, Marco Odermatt che vegn terz. Malgrà il Norvegiais sisum il podest fa la prestaziun da l'equipa svizra impressiun. Sper il duo sin il podest èn anc ulteriurs 3 en ils top 10.
Ils ulteriurs Svizzers
- 7. Beat Feuz, +1,42
- 8. Gino Caviezel, +1,65
- 9 Loic Meillard, +1,66
- 11 Justin Murisier, +1,68
- 14. Niels Hintermann, +1,85
- 37. Alexis Monney, +4,38