In di suenter sia victoria suverana en l'emprim Super G da l'enviern a Beaver Creek ha Marco Odermbatt be manchentà la segunda victoria per trais tschientavels. Il skiunz da la Sutsilvania è vegnì segund davos il norvegiais Aleksander Kilde. Sin plazza trais è sa tschentà l'american Travis Ganong.
Il podest
1. Aleksander Kilde (NOR) 1:10.26
2. Marco Odermatt (SUI) + 0.03
3. Travis Ganong (USA) + 0.37
Il skiunz grischun Gino Caviezel ha persvas sco 9avel. Per Caviezel èsi il meglier resultat en in Super G. Beat Feuz (14.) e Loic Meillard (18.) èn sa classads tranter ils top 20. Justin Murisier ed Urs Kryenbühl èn crudads ora.
