Legenda:
Lara Gut-Behrami n'è betg da franar. Ella gudogna per la terza giada en seria.
Keystone
Lara Gut-Behrami dominescha vinavant il super-G. Suenter Sankt Anton e Crans-Montana gudoogna la Tessinaisa er il super-G da Garmisch-Partenkirchen. Quai cun in avantatg da bunamain 7 dieschavels sin la Norvegiaisa Kajsa Vickhof Lie. Terza vegn surprendentamain la Canadaisa Marie-Michèle Gagnon – quai cun in retard da 0,93 secundas sin la victura.
Duas ulteriuras Svizras tranter las top ten
Tranter las meglras diesch sa chattan duas ulteriuras Svizras: Corinne Suter vegn cun in retard dad 1,21 secundas sin sia collega da team 7avla e Priska Nufer 8avla.
Damaun stat in ulteriur super-G sin il program a Garmisch-Partenkirchen. Partenza è er duman a las 11:00.