Er tar las dunnas a Cortina d'Ampezzo hai dà in emprim plaz svizzer. Lara Gut-Behrami ha gudagnà avant l'Austriaca Stephanie Venier e la Franzosa Romane Miradoli. Per Gut-Behrami èsi la 41avla victoria d'ina cuppa mundiala. Uschiglio n'han naginas Svizras cuntanschì ils top 10. La Grischuna Jasmine Flury è daventada 13avla.
Il podest
- 1. Lara Gut-Behrami (SUI) 1:20,75 Minuten
- 2. Stephanie Venier (AUT) +0,21
- 3. Romane Miradoli (FRA) +0,41
Cortina d'Ampezzo para da purtar cletg a la Tessinaisa. Gia avant 10 e 6 onns ha Gut-Behrami gudagnà là il super-G, avant 7 onns era la cursa rapida. Ad ella plascha pia la pista «Olympia delle Tofane». Ed era qua era ella daventada campiunessa mundiala dal super-G e dal slalom gigant il 2021.
