Siglir tar il cuntegn

Header

video
Lara Gut gudogna la culla pitschna
Or da Sport-Clip dals 16.03.2023.
laschar ir. Durada: 1 minuta 49 Secundas.
cuntegn

Super-G Lara Gut-Behrami gudogna la cursa e la culla da cristal

Lara Gut-Behrami gudogna l'ultim super-G da la stagiun a Soldeu e cun quai er per la quarta giada la culla pitschna da cristal. Segunda vegn Federica Brignone da l'Italia e terza la Norvegiaisa Ragnhild Mowinckel.

  1. Lara Gut-Behrami (SUI) 1:26,70
  2. Federica Brignone (ITA) +0,22 secundas
  3. Ragnhild Mowinckel (NOR) +0,47 secundas

Avant la cursa avevan anc tschintg skiunzas schanzas per gudagnar la culla pitschna. Gut-Behrami era segunda en la rangaziun. Cun quai che Elena Curtoni, ch'era emprima, è vegnida be 8avla, finescha la Svizra la stagiun sco meglra skiunza da super-G.

La ranganziun finala dal super-G da las dunnas

  1. Lara Gut-Behrami 413 puncts
  2. Federica Brignone 368 puncts
  3. Ragnhild Mowinckel 366 puncts

Trais Svizras en ils top tschintg

Michelle Gisin è stada buna da finir ina stagiun difficila cun in highlight, ella vegn 5avla, cun il quart plaz da Corinne Suter èn gista trais Svizras en ils top 5.

Las Svizras:

  • 1. Lara Gut-Behrami
  • 4. Corinne Suter +0,55 secundas
  • 5. Michelle Gisin +0,82 secundas
  • 13. Jasmine Flury +1,44 secundas
  • 15. Joana Hählen +1,73 secundas
  • 21. Wendy Holdener +2,10 secundas

RTR novitads 12:00

Artitgels legids il pli savens