Lara Gut Behrami ha en l'ultima cursa dal super-G da questa stagiun a Saalbach cuntanschì il 7avel plaz e gudogna uschia per la 5avla giada la culla da cristal dal super-G.
La rangaziun da la disciplina «super-G»
- Lara Gut-Behrami (SUI), 576 puncts
- Federica Brignone (ITA), 546 puncts
- Cornelia Hütter (AUT), 516 puncts
Cornelia Hütter e Federica Brignone, las sulettas concurrentas ch'han gì ina schanza sin la culla han cuntanschì plazza 5 e 2. Brignone avess stuì gudagnar la cursa, Hütter almain daventar segunda, per avair dapli puncts che Gut-Behrami. A lezza avess il 8avel plaz tanschì.
Gudagnà la cursa ha la Tscheca Ester Ledecka. Per ella èsi l'emprima victoria da quest onn, ed en tut la quarta da sia carriera. La norvegiaisa Kajsa Lie cumplettescha il podest.
Il podest:
- Ester Ledecka (CZE) 1:15,94 min.
- Federica Brignone (ITA) +0,28 sec.
- Kajsa Vickhoff Lie (SWE) +0,30 sec.
Las svizras:
- 7. Lara Gut-Behrami +0,52 sec.
- 13. Michelle Gisin +1,03 sec.
- 19. Jasmina Suter +1,70 sec.
La stagiun da ski alpin da las dunnas va a fin la sonda cun ina cursa rapida. Lara Gut-Behrami pudess là anc gudagnar in'ulteriura culla da cristal. Ella ha in avantatg da 68 puncts sin l'Austriaca Stephanie Venier.