Las medaglias:
- Matthias Mayer (AUT) 1:19.94
- Ryan Cochran-Siegle (USA) + 0.04
- Aleksander Aamodt Kilde (NOR) + 0.42
Ils Svizzers:
- 14. Stefan Rogentin
- 16. Gino Caviezel
- OUT Marco Odermatt
- OUT Beat Feuz
En il super-G dals umens n'hai dà nagina medaglia svizra. Tant Marco Odermatt che valeva sco in dals favurits sco er Beat Feuz èn crudads ora. Meglier Svizzer è Stefan Rogentin. Il skiunz da Lai sa plazzescha tar sia premiera olimpica dus plaz avant l'ulteriur grischun Gino Caviezel.
Las cursas dals Svizzers
Mayer defenda il titel
Campiun olimpic en il super-G è danovamain l'austriac Matthias Mayer. Gia 2018 a Pyeongchang ha el fatg aur en il super-G e 2014 a Sotschi avevi dà aur en la cursa rapida. Mayer ha gia gudagnà bronz tar la cursa rapida ier. Argient ha gudagnà l'American Ryan Cochran-Siegle, bronz il norvegias Aleksander Kilde.