Las duas Svizras Joana Hählen e Lara Gut-Behrami mussan ina prestaziun ferma tar il super-G a St. Anton. Be la Tagliana Federica Brignone è stada anc in pau pli sperta. Brignone conferma cun quai ils buns resultats da las ultimas cursas. Per Joana Hählen èsi la meglra rangaziun en in super-G en la cuppa mundiala da skis.
Il podest
- Federica Brignone (ITA), +1:00,21 minutas
- Joana Hählen, +0,54 secundas
- Lara Gut-Behrami, +0,66 secundas
Atgnamain fiss oz stà planisà ina cursa rapida da las dunnas. L'aura dals davos dis n'ha dentant betg permess da pudair trenar. Sinaquai han ils organisaturs decidì da midar programm: els han stritgà la cursa rapida, i dat dentant dus cursas da super-G questa fin d'emna.
La prestaziun da las Svizras
- 14. Juliana Suter + 1.41 secundas
- 15. Corinne Suter, +1,50 secundas
- 20. Jasmine Flury, +1,74 secundas
- 30. Stephanie Jenal +2.72 secundas
- DNF Michelle Gisin
- DNF Priska Nufer
- DNF Delia Durrer
