Per 5 tschientavels manchenta Mauro Caviezel il plaz sisum il podest tar il super-G a Hinterstoder en l’Austria. Emprim vegn l’Austriac Vincent Kriechmayr, terz ses cumpatriot Matthias Mayer.
audio
Mauro Caviezel segund sin pista da super-G difficila a Hinterstoder
ord Sportissimo dals 29.02.2020.
laschar ir. Durada: 1 minuta 49 Secundas.
Beat Feuz daventa segund meglier Svizzer, cun in retard da 0,93 secundas vegn el sin plaz 5. Sin la pista che ha pretendì bler dals skiunzs, vegn Gino Caviezel cun in retard da var duas secundas 10avel. Er anc per ils top 20 tanschi a Marco Odermatt (14.) ed a Stefan Rogentin (20.).
Caviezel uss al timun
Cun daventar segund surpiglia Mauro Caviezel il timun dal classament general dal super-G. Il Norvegiais Aleksander Kilde che manava fin uss, è crudà ora ed ha uschia pers ses avantatg sin ils pli stretgs adversaris.
RTR novitads 14:00