Siglir tar il cuntegn

Header

video
Odermatt: «Stagiun perfecta – auters pleds na datti betg»
Or da Sport-Clip dals 16.03.2023.
laschar ir. Durada: 1 minuta 51 Secundas.
cuntegn

Super-G umens Odermatt il pli spert, anc 58 puncts per il grond record

Marco Odermatt gudogna er l'ultim super-G da la stagiun a Soldeu en l'Andorra – sia quarta victoria en seria e sia 6avla victoria da la stagiun en il super-G. Uschè bun n'è anc nagin stà en il super-G- La culla da cristal aveva el uschia er gia segirà avant il final da la cuppa mundiala.

Segund vegn l'Austriac Marco Schwarz e terz Aleksander Kilde da la Norvegia.

  1. Marco Odermatt (SUI) 1:23,91
  2. Marco Schwarz (AUT) +0,29 secundas
  3. Aleksander Kilde (NOR) 0,71 secundas

Anc 58 puncts per il grond record da Maier

Cun sia victoria fa Odermatt ulteriurs 100 puncts ed ha ussa totalmain 1'942 puncts, per rumper il record istoric da 2'000 puncts da Hermann Maier sto el ussa vegnir almain terz en il slalom gigant da sonda.

Il segund meglier Svizzer è stà Justin Murisier sco 10avel. Livio Hiltbrand ha pudì far ses debut en la cuppa mundiala sco champiun mundial dals juniors, el è vegnì 17avel.

Ils auters Svizzers

  • 10. Justin Murisier +1,12 secundas
  • 13. Gino Caviezel +1,42 secundas
  • 16. Loïc Meillard +1,76 secundas
  • 17. Livio Hiltbrand +1,98 secundas
  • 18. Stefan Rogentin +2,00 secundas

RTR novitads 14:00

Artitgels legids il pli savens