Il podest
- Federica Brignone (ITA) 1:21.58 minutas
- Kajsa Vickhoff Lie (NOR) +0.44 secundas
- Sofia Goggia (ITA) +0.59
La taliana Federica Brignone ha festivà tar il Super-G a Val d'Isère suenter ils dus success en il slalom gigant a Tremblant gia sia 3. victoria da la stagiun ed ha uschia mussà sia furma fenomenala ina giada dapli. Ella è stada 44 tschientavels en avantatg sin la segund plazzada Kajsa Vickhoff Lie (NOR) che ha uschia festivà ses 2. plaz da podest en il Super-G. Segunda è daventada Sofia Goggia (ITA).
Las perditas prominentas
Ina rebattida ha Lara Gut-Behrami stuì magunar. La Tessinaisa era bain sin via, è lura dentant vegnida stuschada in pau memia lunsch engiu en l'ultima part dal tschancun ed ha la finala manchentà ina porta. La victura da l'onn passà è uschia sa revantschada en ina runda da sperditas: Tranter auter n'han era Mikaela Shiffrin, Alice Robinson e Marta Bassino betg terminà la cursa.
Las Svizras en ils puncts
- 5. Michelle Gisin
- 6. Joana Hählen
- 8. Jasmine Flury
- 11. Corinne Suter
