Cun dus gols da Antonio Marchesano ed in gol da Salim Khelifi en il temp supplementar da l'emprima mesadad ha il FCZ gudagnà la sonda a Son Gagl cun 3:2 suenter ch'el era suenter 10 minutas dun 0:2 en retard.
Il gieu ha confermà ch'i na dat en la Super League nagina regularitad e nagina logica. Turitg ha cumenzà letargic ed era suenter paucas minutas giacun dus gols en retard. Lura, sco or dal nagut, ha l'equipa dal trenader Massimo Rizzo giugà sco en la segunda mesadad cunter Basilea (gudagnà cun 4:1): Cun blera pressiun ed optimissem. Anc en l'emprima mesadad han ils Turitgais tutgà trais giadas il gol.
En la segunda mesadad ha Son Gagl fatg il gieu, dentant betg pli pudì sajettar in gol. Las meglras schanzas aveva Turitg.
Ils resultats da las partidas
En la 17avla runda da ballape da la Super League hai dà la dumengia ils suandants resultats:
- Basilea cunter Lugano 2:2
- Servette cunter Losanna 1:1
- YB cunter Sion 2:1
En la tabella maina YB cun 35 puncts avant Basilea cun 27 e Turitg cun 25 puncts. A la cua da la tabella è vinavant Vaduz cun 11 puncts.