En la 33avla runda da la Superleague ha Sion gudagnà la dumengia il duel a la cua da la tabella. Ils Vallesans han battì Son Gagl cun 3:0. Sion ha uschia gudagnà puncts impurtants en il cumbat cunter la relegaziun.
En las ulteriuras partidas ha Lucerna battì Servette medemamain cun 3:0. E Losanna e Turitg han giugà in pari da 2:2.
Ils Young Boys han augmenà l'avantatg
Gia la sonda han ils Young Boys pudì festivar lur 22avla victoria. Il leader ha battì a chasa Basilea cun 2:0. Ils Bernais ch'han gia dapi in temp sin segir il titel da campiun svizzer pon uschia augmentar lur avantatg sin 28 puncts. Basilea percunter ristga suenter la terrada dad anc stuair dar giu il segund plaz da la tabella a Servette.
En la segunda partida da la sonda saira ha Vaduz gudagnà impurtants puncts en il cumbat cunter la relegaziun. Il club dal Liechtenstein ha battì Lugano cun 2:0.