Il club da ballape da Basilea cuntinuescha cun Patrick Rahmen. El ha prolungà il contract cun il trenader anticipadamain fin il 2023. Nov trenader assistent daventa Boris Smiljanic, anteriur giugader tar Basilea. Fin uss era quel trenader dals U21 tar ils Grasshoppers. Tranter il 2003 e 2007 ha Smilijanic gudagnà dus titels da campiun e duas giadas la Cuppa svizra cun la squadra da Basilea.
Er il Spagnol Guillermo Abascal sustegn a partir dad immediat la squadra da trenaders. Abascal ha trenà avant trais stagiuns, cun sulettamain 29 onns, la squadra da Lugano. Quai sco successur da Pierluigi Tami.
L'assistent fin uss, Michael Silberbauer, banduna il club.