Il CEO dal club da la Super League Servette Constantin Georges banduna per immediat ils «Grenats». Sco quai ch’i vesia or il mument, giaja quella stagiun a fin anticipadamain. Perquai saja uss in bun mument per reorganisar il club.
Uschia sa lascha il CEO citar sin la pagina d'internet da Servette.
Dapi la primavaira 2015 è Georges stà tar Servette che ha fatg il 2016 il pass en la Challenge League. Dapi l'onn passà è il club da Genevra enavos en la pli auta liga, la Super League.
L'FC Servette è stà fin oz 17 giadas campiun da ballape svizzer.