En la suletta partida da la Super League dad questa dumengia ha il FC Basilea gudagnà ordaifer cunter il FC Son Gagl – quai cun 3:1. A la testa da la tabella da la Super League èn actualmain ils Young Boys cun 11 puncts avant Son Gagl cun 10 e Lugano cun 9 puncts.
Las partidas da ballaper da Lugano cunter YB e Servette cunter il FC Turitg han stuì vegnir spustadas, pervi da plirs cas da corona. Tar ils Tessinais èn otg giugaders en quarantina e tar Genevra-Servette l'entir team.
