En la davosa runda han ils Turitgais gudagnà la gievgia saira il gieu encunter il SC Kriens, cun 2:1. Il FC Thun ha era gudagnà cun 2:1, quai encunter Wil. Sco segund da la Challenge League han ils Bernais la schanza da returnar suenter in onn absenza en la Super League. En la barrascha frunta Thun u sin Vaduz u sin Sion.
Per Chiasso è l'èra en la Challenge League dentant a fin, els ston cuntinuar en la Promotion League. Bain ha Chiasso gudagnà cunter Neuchâtel Xamax cun 2:1, ed è uschia vegnì sin tuttina blers puncts sco ils da Neuchâtel. Ils Tessinais han dentant gì ina relaziun da gols main buna.