En la 33avla runda da la Super League è la proxima decisiun crudada. Losanna sto prender cumià suenter dus onns, da la pli auta liga dal ballape svizzer. Il pari 0:0 cunter Basilea n'ha gidà nagut pli, Losanna sto far il pass giu en la Challenge League.
Trais clubs en las stretgas
Entant s'intensivescha il cumbat al stritg da la Super League. Lucerna che ha gia persvadì ils davos gieus, ha battì Servette cun 4:0. Uschia reduceschan ils Lucernais il retard sin ils Grasshoppers sin trais puncts. Quels han pers il duel direct cunter Sion cun 0:1. Ed uschia han ils Vallesans puspè surpassà ils Grasshoppers en la tabella, els èn da nov cun in punct avantatg 7avels.