La dumengia passada, da l'emprim gieu suenter la pausa d'enviern aveva Losanna pers a chasa cunter Son Gagl cun 1:5. Blers fans avevan silsuenter mussà lur dischillusiun pervi da la prestaziun fitg mediocra.
Tgi che daventa successur da Borenovic n'è anc betg fixà. Il club vul bainprest preschentar ina schliaziun. Per Borenovic ch’è succedì a Giorgio Contini n’è la situaziun da partenza betg stada simpla, perquai suenter la perioda da transfer da la stad passada è il cader sa preschentà cleramain flaivlentà.
Sonda proxima frunta Losanna en il derby Léman a Genevra sin Servette.