Il club da ballape da Lucerna resta en la Super-league. En il segund gieu da barrascha ha il club da la Svizra centrala battì Schaffusa cun 2:0. L'emprim gieu a Schaffusa era ì a fin cun in pari da 2:2.
Ils Lucernais n'han er en il gieu da return betg pudì mussar ina differenza da classa, els èn dentant stads il team il pli ferm. L'atmosfera tranter ils fans da Lucerna è stada buna da l'emprima fin la davosa minuta, era sche la gnervusitad ha sa queità pir suenter il 2:0 da Filip Ugrinic en la 70avla minuta.