Siglir tar il cuntegn

Header

Legenda: Gist en pliras citads englaisas han fans demonstrà il mardi cunter la fundaziun dad ina «Super League» Keystone
cuntegn

Super League Plirs clubs sa retiran

I fa la parita sco sch’i fiss stà in curt chapitel; il futur da la super liga stat en las stailas. Tenor rapports da medias han pliras equipas annunzià ch'ellas na veglian betg prender part a la nova liga. Quai suenter ferma critica entras la UEFA, fans e politichers.

Tranter quellas equipas Manchester City e Chelsea. Quai rapportan tranter auter Sky News e la BBC. Chelsea saja gia vid preparar ils documents da sortida. Avant avevan fans en l'entir pajais demonstrà cunter la decisiun dals possessurs dals clubs da fundar ina atgna liga. Tranter auter a Londra avant il stadion dal FC Chelsea, a Manchester sco er a Liverpool.

Legenda: Fans dal FC Liverpool vulan che lur possessurs americans ston sa retrair dal club. Keystone

Project dispitaivel

La dumengia saira era vegnì enconuschent che 12 dals megliers clubs da ballape en Europa veglian fundar ina superliga europeica. Tranter quels – per exempel – Manchester United ord l’Engalterra, Real Madrid da la Spagna u il club talian Juventus Turin. La Federaziun da ballape europeica UEFA aveva sin a quai smanatschà cun consequenzas per clubs che faschessan part. Er la FIFA na va betg d’accord cun la liga sperada.

RTR Novitads 21:00

Artitgels legids il pli savens

Scrollar a sanestra Scrollar a dretga