Siglir tar il cuntegn
Giugaders da ballape che sa legran.
Legenda: Ils giugaders da Sion festiveschan cun ils fans lur emprima victoria da la stagiun. Keystone

Super League Sion cun emprima victoria da la stagiun

Era sch’ils Vallesans ston dar 20 minutas mo cun diesch umens, gudognan els cun 3:1 cunter il FCZ. En il segund gieu da la saira batta il FC Basilea ordaifer Thun cun 3:2.

Suenter l’emprima mesadad steva la partida Sion cunter il FC Turitg anc pari 1:1. Ina carta melna–cotschna cunter Ayoub Abdellaoui munta lura, ch’ils Vallesans ston dar 20 minutas en diesch. Tuttina fan els dus gols – omadus marca Pajtim Kasami. Ed il FCZ na vegn betg pli da reagir.

Gieu stretg tranter Thun e Basilea

En il segund gieu vegn il FCB ordaifer cunter Thun tar trais puncts. Baud va Thun en avantatg – Basilea po dentant volver il gieu cun dus gols. Ils da Thun na dattan dentant betg si, ed egualiseschan meritadamain en la 70avla minuta. Il gol decisiv per Basilea a la victoria da 3:2 – sajetta lura Valentin Stocker en la 85avla minuta.

RR novitads 21:00

Artitgels legids il pli savens