Resultats e classament
Losanna 1:5 Son Gagl
Nagina schanza per il team da la Svizra franzosa. Son Gagl gudagnà ordaifer cunter Losanna. Cun quai engrondescha Son Gagl ses avantatg sin Losanna sin 7 puncts. La squadra da la Svizra orientala ha dominà il gieu a partir da l'entschatta. Ils emprims dus gols èn crudads tranter la 15avla e la 17avla minuta – entaifer duas minutas.
Lucerna 0:3 Basilea
Er il team da Basilea va ordaifer per trais puncts. Suenter l'emprima mesadad èsi anc stà pari tranter las duas squadras. En la 49avla minuta hai dà in penalti per Basilea – il 0:1. Suenter ina carta cotschna per in giugader da Lucerna ha il team da la Svizra centrala sa mussà adina pli debel. En la 85avla ed en la7avla minuta dal temp supplementar ha Basilea engrondì lur avantatg.
Sion 2:0 Grasshoppers Turitg
Ils Vallesans cumenzan bain: Suenter ina mes'ura croda l'emprim gol. Malgrà che Sion ha pli pauc possess da la balla (40%), tiran els dapli sin il gol. Il 2:0 è dentant in sbagl dals Grasshoppers. En la 69avla minuta datti in autogol dals Turitgais.
