Siglir tar il cuntegn

Header

video
Spitachel cun 7 gols – YB batta Lucerna cun 4:3.
Or da Sport-Clip dals 24.07.2021.
laschar ir
cuntegn

Super League Tschintg victorias ordaifer

Il campiunadi svizzer 2021/22 ha cumenzà cun tschintg victorias ordaifer e blers gols. Il campiun svizzer Young Boys ha gudagnà ordaifer cunter il victur da la Cuppa svizra Lucerna cun 4:3. Curt suenter la pausa manava Lucerna anc cun 3:1 e cura ch'i ha vesì ora che la partida va a fin pari 3:3 ha Jordan Siebatcheu anc tutgà cun ses chau il gol da la victoria en la 94avla minuta.

video
Siebatcheu köpfelt YB zum Sieg
Or da Sport-Clip dals 24.07.2021.
laschar ir

Son Gagl gudogna grazia a Youan

La finala hai anc ina giada pluvì en il nov Stade de la Tuilière nua che Losanna ha pers ses emprim gieu da la stagiun. Pir a la fin dal gieu hai dà in zic tensiun cura che Outtara ha pudì scursanir al 1:2 cunter Son Gagl. Tar il club da la Svizra orientala ha Elie Youan sajettà omadus gols, il 1:0 en il temp supplementar da l'emprima mesadad ed ils 2:0 suenter pausa cura che Son Gagl ha dà pli dominant.

video
St. Gallen gewinnt zum Auftakt in Lausanne
Or da Sport-Clip dals 24.07.2021.
laschar ir

FCZ gudogna

En l'emprim gieu da la Super League da la dumengia po l' FC Turitg, cun ses nov trenader André Breitenreiter festivar ina victoria. Ils Turitgais han gudagnà ordaifer cunter Lugano cun 2:0.

Als Grasshoppers n’è lur emprim gieu suenter ch’èls èn returnads en la Super League suenter passa 2 onns betg gartegià. Els han pers cunter Basilea cun 0:2. Ed en la terza partida da la dumengia ha Servette gudagnà ordaifer cunter l’FC Sion cun 2:1.

RTR novitads 06:00+

Artitgels legids il pli savens

Scrollar a sanestra Scrollar a dretga