Siglir tar il cuntegn

Header

video
Ils clubs midan idea: tuttina nagins playoffs
Or da Sport-Clip dals 11.11.2022.
laschar ir. Durada: 55 Secundas.
cuntegn

Super League Tuttina nagins playoffs

Ils clubs da las duas pli autas ligas da ballape en Svizra han decis che la proxima stagiun duai vegnir giugada en il uschenumnà modus scot. Il model cun ils playoffs na vegn uschia betg introducì.

Modus scot

Il modus scot vul dir che mintga squadra gioga 3 giadas cun mintg'auter club. Suenter datti la «championship Group» per las ses meglras squadras e la «relegation group» per ils clubs sin plazza 7 fin 12.

En mintga gruppa giogan tut las squadras anc ina giada ina cunter l'autra, pia datti anc 5 gieus per club. En la «championsship group» vegn uschia determinà il campiun ed en la «relegation group» vegn battì encunter la relegaziun.

Quest modus era gia avant dus onns e mez sin il tapet da la Super League, lura è el dentant vegnì refusà. Il matg avevan ils 20 clubs da la Swiss Football League anc vuschà per l'intorducziun dals playoffs. Encunter quel hai dentant dà bler protest, er dals fans. Els han perfin rimnà bun 60'000 suttascripziuns, nua che era giugaders professiunals han suttascrit per impedir il modus da playoffs.

video
SRF declera il «modus scot»
Or da Sport-Clip dals 11.11.2022.
laschar ir. Durada: 32 Secundas.

RTR novitads 14:00

Artitgels legids il pli savens

Scrollar a sanestra Scrollar a dretga