Siglir tar il cuntegn

Header

cuntegn

Super League Wicky daventa nov trenader dals Young Boys

Raphaël Wicky daventa nov trenader dals Young Boys. El succeda uschia a Matteo Vanetta ch’ha trenà ils Bernais ad interim suenter ch’il club ha relaschà il trenader David Wagner. Il Vallesan da 45 onns ha absolvì 75 partidas per la squadra naziunala. Sco ultim è el stà activ sco trenader en ils Stadis Unids. Ordavant ha el tranter auter trenà in onn l’FC Basilea.

Per ils Young Boys èsi gia il terz trenader entaifer in onn. Il zercladur 2021 aveva David Wagner surpiglià il post dad da Gerardo Seoane – lez aveva suenter trais titels da campiun midà en la Bundesliga tar Bayer Leverkusen. Wagner n'ha dentant betg pudì persvader tar ils Bernais e gia il mars era el puspè vegnì relaschà.

RTR novitads 08:00

Artitgels legids il pli savens