Ina runda avant la fin dal campiunadi èsi decis: Ils Young Boys èn da novamain campiuns svizzers da ballape. Il club bernais ha gudagnà dumengia ordaifer la partida cunter Servette cun 1:0 e cun quai segirà il 17avel titel en l'istorgia dal club.
Era sch'i fiss bain pli bel da daventar campiun a chasa avant agen publicum, han ils Young Boys giudì il mument en Svizra franzosa e festivà tge ch'els han pudì. E da differentas varts èsi alura era stà d'udir ch'in titel na sa chapeschia mai da sez. Era ils Young Boys hajan stuì cumbatter per el, fatg sbagls, emprendì d'els e la finala persvas gia ina runda avant la fin dal campiunai. In titel tut spezial è quest titel da campiun per il capitani da YB, Fabian Lustenberger. El ch'ha gia gudagnà trais titels cun ils Bernais, terminescha sia carriera suenter la stagiun.