Swiss Bike Cup a Gstaad - Success dubel per Vital Albin

Al final dal Swiss Bike Cup a Gstaad ha Vital Albin da Tersnaus pudì festivar in success dubel. Il Grischun ha gudagnà la cursa internaziunala C1 avant Marcel Guerrini ed Andri Frischknecht. Plinavant ha Vital Albin gist er gudagnà il classament general dal Swiss Bike Cup. Quai saja propi ina fin da la stagiun perfetga, ha il Lumnezian manegià.