A la Swiss Football Night virtuala è Yann Sommer vegnì elegì sco meglier giugader da ballape dal 2021. Sper il goli da l'equipa naziunala svizra e da Borussia Mönchengladbach eran anc nominads Xherdan Shaqiri e Granit Xhaka. Yann Sommer ha surtut durant il davos campiunadi europeic e tar la qualificaziun per il campiunadi mundial sa fatg in num sco «Penalty-Killer».
La meglra giugadra da ballape è Lia Wälti che dat tar Arsenal. En la squadra naziunala è ella chapitani. Ella ha manà la naziunala svizra tras la qualificaziun per la runda finala da l'EM 2022.
Igl è l'emprima giada dapi il 2012, che l'Associaziun svizra da ballapo surdat ils premis.
La survista dals victurs e las victuras
Giugader naziunal da l'onn | Yan Sommer |
Giugadra naziunala da l'onn | Lia Wälti |
Giugader da l'onn da la Super-League | Arthur Cabral |
Giugader da l'onn en la Challenge-League | Roman Buess |
Youngster da l'onn | Noah Okafor |
Giugadra da l'onn en la Women's Super-League | Sandy Maendly |